- O'zbekiston Respublikasi Surxondaryo viloyati Termiz shahar, At-Termiziy ko'chasi 2-uy
Yangiliklar
2025-03-04
Gaz plita va kir yuvish mashinasi uchun to‘langan pul mablag‘i qaytarib berildi
Denov tumani "Vodiy" mahallasida yashovchi fuqaro B.S. mahalliy maishiy texnika do‘konidan umumiy qiymati 7 500 000 so‘m bo‘lgan gaz plita va avtomatik kir yuvish mashinasini xarid qiladi.
Biroq, fuqaro ushbu mahsulotlardan foydalanishni boshlaganidan so‘ng, ularning sifati yoki ishlashi uning talablariga mos kelmaganligi sababli, do‘konga murojaat qiladi. Do‘kon xodimlari dastlab nosozlik yo‘qligini ta’kidlab, mahsulotni almashtirish yoki pulni qaytarib berishdan bosh tortadilar.
Mazkur holat Denov tuman iste’molchilar huquqlarini himoya qilish jamiyati tomonidan o‘rganilib, viloyat raqobat boshqarmasi mutaxassislari ishtirokida tegishli tartibda ko‘rib chiqildi. Natijada, fuqaroning talabiga asosan, xarid qilingan gaz plita va kir yuvish mashinasi qaytarilib, 7 500 000 so‘m miqdoridagi mablag‘ iste’molchiga to‘liq qaytarib berildi.
